ຈຸງານ ປະຕິບັດລະບຽບການ

    ວຽກງານປະຕິບັດລະບຽບການເປັນຫຼັກໃນການຄຸ້ມຄອງຊັບພະຍາກອນທໍາມະຊາດ ແລະ ຊີວະນາໆພັນໃນອຸທິຍານແຫ່ງຊາດນາກາຍ-ນໍ້າເທີນ ໂດຍການກວດກາລາດຕະເວນ ແລະ ປະຕິບັດລະບຽບການເຊີ່ງມີຈຸດປະສົງເພື່ອປົກປັກຮັກສາຊີວະນາໆພັນໂດຍສະເພາະຊະນິດພັນສັດປ່າໃກ້ສູນພັນສະເພາະຖິ່ນສາຍພູຫລວງ.

        ການຈັດຕັ້ງປະຕິບັດກິດຈະກຳ ແມ່ນໄດ້ປະສານສົມທົບກັບຄູ່ຮ່ວມງານຂັ້ນເມືອງຄື: (i) ຫ້ອງການ ກະສິກໍາ ແລະ ປ່າໄມ້ ເມືອງ, (ii) ກອງກວດກາປ່າໄມ້ ແຂວງ, (iii) ຫ້ອງການ ທະຫານເມືອງ, (iv) ຫ້ອງການ ທະຫານແຂວງທະຫານຊາຍແດນ ( ຄ 253, ຄ 311 ແລະ ຄ 312) ແລະ ກອງຮ້ອຍເອກະລາດ ຄ 25, (v) ຫ້ອງການ ປກສ ເມືອງ, (vi) ຄະນະສະເພາະກິດຂອງເມືອງນາກາຍ ເພື່ອແກ້ໄຂບັນຫາຕໍ່ກັບຜູ້ກະທໍາຜິດລະບຽບກົດໝາຍຮ່ວມກັບກອຊ.ນທ ໂດຍການແບ່ງຄວາມຮັບຜິດຊອບຂອງແຕ່ລະທີມງານໃນການຄຸ້ມຄອງເຊິ່ງໄດ້ແບ່ງອອກເປັນ 06 ເຂດຄວາມຮັບຜິດຊອບຄື: (i) ເຂດຫົວພູ–ນາຕານ:​ ມີທັງໝົດ 9 ທີມ ຄື:  ມີທີມເຄື່ອນທີ່ກຸ່ມບ້ານ 02 ທີມ, ທີມກວດກາປ່າ 02 ທີມ ແລະ ທີມສຸກເສີນ 01 ທີມ, ເຄື່ອນໄຫວໜ້ານໍ້າ ແລະ ດ່ານກວດ 04 ທີມ, (ii) ເຂດເມືອງຄຳເກີດ: ມີທັງໝົດ 8 ທີມ, ດ່ານກວດກາ 03 ດ່ານ, ມີທີມເຄື່ອນທີ່ກຸ່ມບ້ານ  02 ທີມ, ທີມກວດກາປ່າ 05 ທີມ ແລະ ທະຫານຊາຍແດນ ຄ 253. (iii) ເຂດຍົມມະລາດ-ລັງຄັງ: ມີທັງໝົດ 06 ທີມ, ເຄື່ອນທີ່ກຸ່ມບ້ານ 01 ທີມ, ທີມກວດກາປ່າ 04 ທີມ ແລະ ທີມທະຫານຊາຍແດນ ຄ 312 ມີ 1 ທີມ, (iv) ເຂດນາວາງ ມີທັງໝົດ 07 ທີມ ມີທີມເຄື່ອນທີ່ກຸ່ມບ້ານ 01 ທີມ, ທີມກວດກາປ່າ 05 ທີມ ແລະ ທີມທະຫານ ກອງພັນ 8 ເຂດພູຜາເຜີ້ງ 01 ທີມ. (v) ເຂດເຕີງ, ມີທັງໝົດ 07 ທີມ, ມີທີມເຄື່ອນທີ່ກຸ່ມບ້ານ 01 ທີມ, ທີມກວດກາປ່າ 04 ທີມ ແລະ ທະຫານຊາຍແດນ ຄ 311 ມີ 02 ທີມ. (vi) ເຂດທ່າໄຜ່ບ້ານ: ມີທັງໝົດ 07 ທີມ, ມີທີມເຄື່ອນທີ່ກຸ່ມບ້ານ 01 ທີມ. ທີມກວດກາປ່າ 06 ທີມກວມເອົາ 3 ກຸ່ມໜ້າວຽກຫລັກດັ່ງນີ້:

• ວຽກງານເຝົ້າລະວັງ ແລະ ສະກັດກັ້ນໄພຂົ່ມຂູ່ (ກວດກາສຸກເສີນ ແລະ ຕິດຕາມການແກ້ໄຂຄະດີ).
• ວຽກກວດກາລາດຕະເວນ.
• ດ່ານກວດກາໃນຂອບເຂດອຸທິຍານແຫ່ງຊາດ.