ຈຸງານພັດທະນາຊີວິດການເປັນຢູ່
ແນວຄວາມຄິດກ່ຽວກັບ ຄະນະກໍາມະການພັດທະນາບ້ານນັ້ນແມ່ນ ເພື່ອໃຫ້ ການຄຸ້ມຄອງຈັດການໃນຮູບແບບແຕ່ລຸ່ມຂຶ້ນເທິງ (ທ້ອງຖິ່ນຂຶ້ນຫາສູນກາງ) ເພື່ອຈັດຕັ້ງປະຕິບັດກິິດຈະກຳຕ່າງໆກ່ຽວກັບການອະນຸລັກ ແລະ ການພັດທະນາ ຢູ່ໃນຂອບເຂດບ້ານນັ້ນໆ. ຄະນະກຳມະການພັດທະນາບ້ານນີ້ປະກອບດ້ວຍ ກຸ່ມປະຕິບັດການ 4 ກຸ່ມຄື: ກຸ່ມປະຕິບັດລະບຽບການຂັ້ນບ້ານ ເພື່ອຕິດຕາມ ການຈັດຕັ້ງປະຕິບັດກິດຈະກໍາ ແລະ ຄວາມສອດຄ່ອງກັບສັນຍາກ່ຽວກັບການ ອະນຸລັກຂອງຊຸມຊົນ (CCA), ກຸ່ມພັດທະນາຂັ້ນບ້ານຮັບຜິດຊອບ ກ່ຽວກັບ ບັນດາກິດຈະກຳພັດທະນາໃນຊຸມຊົນ, ກຸ່ມກອງທຶນກ່ຽວກັບ ການອະນຸລັກ ແລະ ພັດທະນາຂັ້ນບ້ານມີໜ້າທີ່ຄຸ້ມຄອງບໍລິຫານເງິນກອງທຶນບ້ານ ແລະ ກຸ່ມຕິດຕາມ ແລະ ປະເມີນຜົນ, ຮັບຜິດ ຊອບໃນການ ເກັບກຳຂໍ້ມູນ ແລະ ການລາຍງານ.
ວຽກງານວາງແຜນນຳໃຊ້ທີ່ດິິນແບບມີສ່ວນຮ່ວມຂອງຊຸມຊົນ
ກອງຄຸ້ມຄອງອຸທິຍານແຫ່ງຊາດ ນາກາຍ-ນໍ້າເທີນ ຊ່ວຍເຫລືອບ້ານ ເປົ້າໝາຍໃນການ ວາງແຜນຄຸ້ມຄອງຈັດການທີ່ດິນ ແລະ ແຫລ່ງຊັບ ພະຍາກອນທໍາມະຊາດຂອງພວກເຂົາເຈົ້າດ້ວຍວິທີການແບບຍືນຍົງ, ເພື່ອສະແຫວງຫາ ຄວາມສົມດູນ ລະຫວ່າງ ການອະນຸລັກສິ່ງແວດລ້ອມ ແລະ ການປັບປຸງຊີວິດການເປັນຢູ່ຂອງຄົນທ້ອງຖິ່ນ.
ການສ້າງແຜນພັດທະນາຊຸມຊົນຕິດພັນກັບສັນຍາອະນຸລັກ
ແມ່ນເພື່ອສະໜັບສະໜູນບັນດາກິດຈະກຳກ່ຽວກັບການປັບປຸງຊີວິດ ການເປັນຢູ່ໃນຫລາຍຂະແໜງການ (ສາທາລະນະສຸກ, ສຶກສາ, ກະສິ ກໍາ, ພະລັງງານ) ເພື່ອການພັດທະນາລະດັບຄົວເຮືອນແບບຍືນຍົງ.
ວຽກງານສົ່ງເສີມການກະສິກຳ ປູກຝັງ-ລ້ຽງສັດ
ສົ່ງເສີມ ແລະ ສະໜັບສະໜູນທາງດ້ານເຕັກນິກວິຊາການກ່ຽວກັບ ການປູກຝັງ ແລະ ລ້ຽງສັດໂດຍມີຈຸດປະສົງເພື່ອຫລຸດຜ່ອນຄວາມ ທຸກ ຍາກ ແລະ ຫລຸດຜ່ອນຄວາມກົດດັນທີ່ມີຜົນກະທົບຕໍ່ສັດປ່າ ແລະ ຊັບພະຍາກອນປ່າໄມ້
ວຽກງານພະລັງງານ
ໃຫ້ການສະໜັບສະໜູນຄົວເຮືອນທີ່ດໍາລົງຊີວິດຢູ່ໃນເຂດອຸທິຍານ ເຂົ້າ ເຖິງໄຟ້ຟ້າທັງໝົດໂດຍຜ່ານແຫລ່ງພະລັງງານທີ່ສະອາດ ເປັນຕົ້ນ ໄຟຟ້າ ແສງຕາເວັນທີ່ເປັນເປົ້າໝາຍທີ່ສຳຄັນອັນໜຶ່ງຂອງກອງຄຸ້ມ ຄອງອຸທິຍານ ແຫ່ງຊາດ ນາກາຍ-ນໍ້າເທີນ.
ວຽກງານການສຶກສາທິການ ແລະ ກິລາ
ສະໜັບສະໜູນການຢູ່ດີກິນດີໃນໄລຍະຍາວຂອງປະຊາຊົນທ້ອງຖິ່ນ ໂດຍຜ່ານການສຶກສາທີ່ດີກວ່າ, ໃນນັ້ນ, ອຸທິຍານແຫ່ງຊາດ ນາກາຍ -ນໍ້າເທີນ ສະໜັບສະໜູນ ສິ່ງອຳນວຍຄວາມສະດວກ ກ່ຽວກັບໂຮງ ຮຽນທີ່ໄດ້ຮັບການປັບປຸງໃຫ້ດີຂຶ້ນ ແລະ ການເຂົ້າເຖິງໂອກາດ ແລະ ແຫລ່ງຊັບພະຍາກອນທາງດ້ານການສຶກສາ.
ວຽກງານສາທາລະນະສຸກ
ການຊຸູກຍູ້ສົ່ງເສີມໃຫ້ສຸຂະສຶກສາໂດຍສະເພາະ ການຫລຸດຜ່ານການຖ່າຍຊະຊາຍ, ການເຂົ້າເຖິງນ້ຳສະອາດ ແລະ ການເຂົ້າໃຊ້ບໍລິການສຸກສາລາ ກໍເປັນວຽກງານຫນຶ່ງຂອງຈຸງານພັດທະນາ
Users Today : 48
Users Yesterday : 29
This Month : 604
This Year : 6593
Total Users : 9013